Gazte Koordinadora Sozialistak urri hasieran aurkeztu zuen Gazte Langileontzako Proposamen Politikoa, eta horri lotuta antolatu du Gazte Langileon Elkargunea abenduaren 3rako. "Gazteon problematika ezberdinei ikuspegi sozialistatik aurre egiteko aukeren inguruan" arituko dira Elkargunean izango diren hitzaldietan. Horretaz gain, bazkari bat, ekitaldi politiko bat nahiz kontzertuak prestatu dituzte egun horretarako. Ordizian (Gipuzkoa) izango da.